ألف شكرا ياعمري عرفت اشلون تنهيني
وتـتركـني بلا ذنب بـدر منـي ـيا أنسـان
معقولة تجي منك و من ودك تحرمنـي
و ترميني وسط غابة وحيد بلا عـنوان
تجيني بليل بردان حبيبي أرجوك دفيني
اضمك حيل بيديني و لا أقولك أنا بردان
رسمت الحب لي دنيا ورسمتك أجمل سنيني
وتعاهدنا نكون اثنين لو جارت بنا الأزمان
ولا ادري اشـلون يادنـيا قـدر قلبه يخلينـي
تركني ف غمرة جروحي اشكي الويل والحرمان
خلاص والله ما صدق و لو حسنك يعميني
آمانة روح لا ترجع و لا تحلف كثر أيمان
والله لو يغيب النور وحزن الكون يسكني
وابقى ف دنيتي واحد ولا حولي ابد خلان
ابد والله ما جيتك و لا أحني لك انا جبيني
لاني خلاص مااحبك رميتك من على الوجدان
الف شكرا يا عمري عرفت اشلون تنهيني
وآثار كل ما تعرفه جزاء الاحسان بالنكران